ریحان محمود خان کی آخری تحریر: تلاشِ رب سے وصالِ رب تک

عشق لازوال
(نظمیہ شاعری)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(تیری یاد ہی میرا سفر)

تو کہاں، کہاں نہیں پیاسی ہے میری جستجو
یہ کیف، یہ مستی، لیل و نہار تو ہی کُو بہ کُو

تو ہی زندگی کا ہمسفر، تو ہی میرا غرور
تجھے دیکھتے ہی بدن کو آجاتا ہے سرور

پل پل یاد تیری آتی ہے دل میں
ہُوک سی اٹھتی ہے جب دل میں

اسی وقت ختم ہو جاٸے گا فسانہ میرا
جب بھی دیکھ لوں گا جلوہ ہرطرف تیرا

تیاری تو ہے آجا بسیرا کرلے نشیمن قلب میں
کھل جاٸيں گُتھِیاں جو بھی ہیں اُلجَھن میں

مسکن بنا میرے دل کو، سفر کر نَس نَس میں
بھولا نہیں لَمس تیرا، شامل ہے رَگ و پے میں

وقت معتبر، بنانے والا مُعظّم، بننےوالا انسان
پھر کیوں بھول گیا تیری پہچان یہ اِنسان

ازل میں يَدُاللّہ سےبنایا تھا اِک اِنسان
آغوش میں لے لے اُسے جِسے بنایا اِنسان

تیری یاد اور تیرا ملاپ ہی میرا سفر
تیری پہچان، تیری دید ہی میرےہمسفر

تجھے کب ہوگی میری حالت زار کی خبر
زندگی ہی میں دیکھ لی ہے اپنی قبر
ریحان محمودخان
(رِم رجِھم)
2026-08-24